اهلا بك عزيزى الزائر
أداره منتديات arabnow ترحب بك
اذا كنت مشترك بنا فعليك تسجيل الدخول
اذا كنت غير مسجل وترغب بالمشاركه فى المنتدى فيرجى منك التسجيل



 
الرئيسيةالرئيسية  البوابةالبوابة  اليوميةاليومية  مكتبة الصورمكتبة الصور  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  
تعيين مشرفين جدد فى جميع الاقسام

شاطر | 
 

 مســـلســـل علقــة مـــــوت(الحلقه الأولى)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
fromalongtime
moderator
moderator
avatar

عدد المساهمات : 1034
تاريخ التسجيل : 24/05/2009
العمر : 35
الموقع : الكويت

مُساهمةموضوع: مســـلســـل علقــة مـــــوت(الحلقه الأولى)   الثلاثاء يونيو 30, 2009 10:15 am

..........

مســـلســـل علقــة مـــــوت
بطولة: رأفت سامي

وليد بوبو --------------- احمد الاسيوطى
تامر مايكل ----------------- عم سمير
الست نجوى ------------------ وائل رخامه
مصطفى المصري -------------- عرفات المحامى
إبراهيم الحلاق ----------------- هاني أبو شعر
حسام شكلس ---------------- هايدى علاء

سناريو وحوار وإخراج :
Alaa

-----------------------------------------------------------------------------

الحلقة الأولى
--- نتيجة الامتحان ---


الاخ : ياماما ... ياماما .. أمال فين رأفت ؟

الام : مش عارفه هو فين يا حبيب ماما ... كان لسه هنا حالا ... ما أنت عارف اخوك الكبير طول عمره يكون جنب الواحد وفجأه تبص ماتلاقيهوش حواليك ..

الاخ : طيب ياماما هاتلاقى التليفون بتاعى حاطه فى الشاحن اتصلى بيه شوفيه فين على بال ما البس بسرعه ...

الام : حاضر يا قلب ماما ..
ترن ترن .. جميل جمال مالوش مثال .. آه .. جميل جمال ..
ياخواتى شوفو الواد الرايق حاطت لى تون ايه على الموبايل بدل الجرس ..
ترن ترن .. جميل جمال مالو ...

رأفت : آلو آلو ... ايوه يا ماما .. فى حاجه ولا إيه ؟

الام : إنت فين يارأفت ؟

رأفت : مافيش طلعت أقف شويه على السطح أشم شوية هوا نضيف .

الام : طيب يا حبيبى انزل بقى يلا علشان أخوك بيلبس دلوقتى وصحابه اتصلوا بيه من دقيقتين كدا وقالوا له ان نتيجتهم زمانها بتتعلق دلوقتى فى الجامعه ..

رأفت : ياااه يا ماما .. انتى عارفه انى مش بارفض لك طلب أبدا ياعمرى .. بس اكيد اللى هايحصل فينا كل سنه هايحصل .. نروح ونفضل نستنى والفجر يطلع علينا ولاحاجه بتتعلق .. خليه يروح يشوفها الصبح وخلاص وبعدين ماهو صحابه هناك ولو بانت هايتصلوا بينا واحنا نروح وقتها

الام : ياخراشى عليك يا رأفت ماهو انت عارف انى أنا واخوك هانفضل نتشد كده وعلى اعصابنا كمان .. يلا بقى روح مع اخوك ....

رأفت : حاضر يا ماما

وينزل رأفت من الشقه ويصطحب اخوه معه فى سيارته الفيات المعدل الى الجامعه فى انتظار تغليق كشوف نتيجة امتحانات آخر السنه وتشير عقارب الساعه الى العاشره مساء ..

رأفت : يلا ياسيدى ادخل اسبقنى عند مكان ما النتيجه بتتعلق على بال ما الاقى ركنه حلوه للعربيه

الاخ : ركنه حلوه ..!! طيب .. بس مش تتاخر وتروح تركنها لى عند بيتنا

رأفت : ماشى ياعم الأمور .. بطل تريقه على اخوك

رأفت : ايه يا حبيبى .. اتعلقت ولا لسه

لا لسه
الاخ : اعرفك ب زمايلى " هيثم ونادر " معايا فى الدفعه

رأفت : اهلا شباب .. ربنا معاكم وانشاء الله ناجحين والسهره على حسابي النهارده

زملاء الاخ : ربنا يستر

الاخ : رأفت

رأفت : نعم يا قلبي

الاخ : انا جت لى فكره انما ايه.!!

رأفت : إيه هى ؟

الاخ : طبعا انت شايف ان عدد الناس اللى واقف يعمله بتاع كذا الف , وزى كل مره هانقعد بتاع ساعه علشان نعرف نقرب من الشباك ونشوف النتيجه

رأفت : اهاااا ... عندك حق طبعا , انا مش عارف الناس دى عامله كده ليه ؟! , دول شكلهم هنا من الصبح

الاخ : انا جت لى فكره بس انت طبعا عارف انك اخويا الكبير وبتاعنا والكفاءه والرجوله واللى مش بيهمك حاجه ابدا ..

رأفت : (مقاطعا) .. انجز يا أمور وقول

الاخ : احنا نقرب قوى جنب الشباك وأول لما النتيجه تتعلق ويمشى الحرس والناس تيجي تهجم على الشباك نخطف الورق بسرعه ونبص نشوف النتيجه وبعدها ياعم اديهم الورقه

رأفت : يا ابنى انت مجنون .. بتفكر ازاى طبعا حتى لو عرفت اعمل كده الناس هاتقطعنى وتاكلنى اكل , انت اسمك احمد ونص اللى فى الدفعه اسمه احمد يعنى عارف كل دول يا معلم هايمسكونى يخلونى انا والاسفلت حته واحده

الاخ : ياسيدى انت بس ماتقلقش انا عارف رقمى فى الكشف وفى اقل من ثانيه هابص اشوف اسمى

رأفت : متاكد يا واد

الاخ : طبعا العمليه دى يا بص يا كبير كلها على بعضها مش هتاخد غير ثوانى ... ثوانى ايه بس قول اتنين فمتو ثانيه كمان

رأفت : (بعد برهه من التفكير العميق) .. طيب موافق , علشان تعرف جمايل اخوك الكبير

وبعد مرور نصف ساعه من الانتظار .. تسود حاله من الصمت الممزوج بانفاس الجمهور الغفير يمر الحرس ومعهم اوراق النتيجه , وبعد هياص الناس يتم تعليق الورق وفجأه يحدث الهجوم على الشباك لمشاهده النتيجه
(زوم ان على رأفت) وكجندى محنك فى المعركه اتسلل اما الشباك واظر لورق النتيجه كغنيمة حرب وفى لحظه سرقت من الزمن تصورت فيها انى الوحيد فى المعركه وانتزعت ورقتين كاملتين من الاوراق المعلقه وهربت مسرعا الى الجنينه الملتصقه بجوار شباك النتيجه ,
واخذ منى اخى الصغير ونظر بسرعه ليجد اسمه فى الناجحين وبتقدير جيد ايضا
وفجاه ايقنت انى هالك لا محاله فلا يقل عن الف بنى ادم ينظرون لى بغضب ومع ارتفاع الايدي للبطش بي ومحاولا الهروب منهم تتعثر قدمى بقالب طوب لاسقط ارضا ... وتسقط من ايدي الورقتين
ويا للمصيبه .. ويا لسخرية القدر ..!!!
الساده الجناينيه المحترمين وبحكم ان الجامعه دلوقتى اجازه الصيف طلعوا مغرقين الجنينه بالميه .. والورق لما وقع من ايدي اتبل كله ميه واللى مكتوب فيه باش واتمسح فى ثوانى .. ولا كانه سحر بالظبط .
وعينكم بقى ماتشوف غير النور , أهالى وأصحاب وأبناء جامعه مصر كلهم بيضربوا فى العبد لله
وكانت علقة موت صحيح

والى لقاء آخر فى حلقه أخرى من علقة موت


.................
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fromalongtime.spaces.live.com/
Mayoy
moderator
moderator
avatar

عدد المساهمات : 761
تاريخ التسجيل : 25/05/2009

مُساهمةموضوع: رد: مســـلســـل علقــة مـــــوت(الحلقه الأولى)   الثلاثاء يونيو 30, 2009 2:00 pm

.................

ههههههههههههههههه

أنا لو مكان الناس كنت عملت زيهم

فعلا حاجه تحرق الدم ده الواحد ممكن يتجنن ده مافيش نتيجة بعد كل الانتظار ده

بصراحه يستاهل علقة الموت ديه

ههههههههههههههه

موضوع رائع مشكووووووور fromalongtime
.............................
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fromalongtime
moderator
moderator
avatar

عدد المساهمات : 1034
تاريخ التسجيل : 24/05/2009
العمر : 35
الموقع : الكويت

مُساهمةموضوع: رد: مســـلســـل علقــة مـــــوت(الحلقه الأولى)   الثلاثاء يونيو 30, 2009 6:55 pm

شكرا mayoy على المشاركه والرد
وقريبا باقى حلقات المسلسل
علقة موت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fromalongtime.spaces.live.com/
نونا الحاج
active member
active member
avatar

عدد المساهمات : 972
تاريخ التسجيل : 01/06/2009
العمر : 35
الموقع : مصر

مُساهمةموضوع: رد: مســـلســـل علقــة مـــــوت(الحلقه الأولى)   الأربعاء يوليو 01, 2009 3:43 pm

احسن يستاهل

جميله جدا

في انتظار الحلقه الثانيه

fromalongtime
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fromalongtime
moderator
moderator
avatar

عدد المساهمات : 1034
تاريخ التسجيل : 24/05/2009
العمر : 35
الموقع : الكويت

مُساهمةموضوع: رد: مســـلســـل علقــة مـــــوت(الحلقه الأولى)   الأربعاء يوليو 01, 2009 4:55 pm

شكرا نونا على المشاركه
وتم اضافة الحلقه التانيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fromalongtime.spaces.live.com/
 
مســـلســـل علقــة مـــــوت(الحلقه الأولى)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتديات العامه :: الادب والفنون-
انتقل الى: