اهلا بك عزيزى الزائر
أداره منتديات arabnow ترحب بك
اذا كنت مشترك بنا فعليك تسجيل الدخول
اذا كنت غير مسجل وترغب بالمشاركه فى المنتدى فيرجى منك التسجيل
اهلا بك عزيزى الزائر
أداره منتديات arabnow ترحب بك
اذا كنت مشترك بنا فعليك تسجيل الدخول
اذا كنت غير مسجل وترغب بالمشاركه فى المنتدى فيرجى منك التسجيل
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالرئيسية  البوابةالبوابة  أحدث الصورأحدث الصور  التسجيلالتسجيل  دخولدخول  
تعيين مشرفين جدد فى جميع الاقسام

 

 مســـلســـل علقــة مـــــوت(الحلقه الثانيه)

اذهب الى الأسفل 
3 مشترك
كاتب الموضوعرسالة
fromalongtime
moderator
moderator
fromalongtime


عدد المساهمات : 1034
تاريخ التسجيل : 24/05/2009
العمر : 42
الموقع : الكويت

مســـلســـل علقــة مـــــوت(الحلقه الثانيه) Empty
مُساهمةموضوع: مســـلســـل علقــة مـــــوت(الحلقه الثانيه)   مســـلســـل علقــة مـــــوت(الحلقه الثانيه) I_icon_minitimeالأربعاء يوليو 01, 2009 9:14 am

..........

مســـلســـل علقــة مـــــوت
بطولة: رأفت سامي

وليد بوبو --------------- احمد الاسيوطى
تامر مايكل ----------------- عم سمير
الست نجوى ------------------ وائل رخامه
مصطفى المصري -------------- عرفات المحامى
إبراهيم الحلاق ----------------- هاني أبو شعر
حسام شكلس ---------------- هايدى علاء

سناريو وحوار وإخراج :
Alaa

-----------------------------------------------------------------------------

الحلقة الثانية
--- حبيبة صاحبي ---



الاخ : رأفت ؟

رأفت : نعم

الاخ : كلم صاحبك تامر على التليفون بتاع البيت

رأفت : طيب , رد عليه وقول له ثوانى ورأفت يكون معاك

حاضر يامان

وبعد مرور بضع ثوانى

رأفت : ايون يا تامر ياروش , انت فين يا ابنى بقالك فتره كده لا بتتصل ومختفى كده

تامر : ابدا , انت عارف بقى اليومين دول الجو حار وبارجع من الشغل مابأخرجش خالص من البيت الا يادوب ساعات على القهوه لما وليد بوبو بيعدى على

رأفت : تمام تمام ... واخبارك ايه ؟ مافيش اى جديد ؟

تامر : جديد بالنسبه لايه بالظبط

رأفت : يعنى هايكون فى ايه يا شاطر , ما انت فاهم , اى حاجه كده يعني تخلى الايام اللى شكل بعضها دى تعدى والسلام

تامر : اهاااا ... بدات افهمك يامان . بس الحقيقه العمليه ناشفه اليومين دول , عموما انا برده زهقان جدا وعاوزين نغير الروتين , هو كان فى موضوع قديم كده احاول اخربش فيه بعد ما اخلص معاك , اى حاجه والسلام بقى

رأفت : طيب , بس اوعى يكون الصنف مش قد كده؟

تامر : لا ماتقلقش من الناحيه دى شغال يامان , والحته اللى معاها هاتعجبك

رأفت : ايون كده , ده كلامك فوقنى ياراجل , اسيبك بقى ادخل احلق دقنى كده واضرب لى واحد شاور بارد والبس ويعدين اعدى عليك

تامر : بس مش تتاخر , علشان هأعمل التليفون دلوقتى , ومش من النوع اللى بيتأخر بره , معقدين حبتين يعنى

المعقد نفكه يا مان ونخليه فى العلالى , سلام

وبعد مرور نصف ساعه قمت فيها بحلاقة دقنى واخذ شاور ممتاز , لبست الطقم اللى على الحبل وضربت جيل فى شعرى واتروشنت كده علشان ابقى شب استايل ما انا اعمل ايه بس ما هو ده الشكل اللى البنات عاوزينه الايام دى , ونزلت عديت على تامر واديته ميزد كول

رأفت : يلا بينا يا بروف , بس قولى قبله هانقابل فين؟

تامر : قالو لى عند صيدلية الطرشوبي اللى على شارع البحر

اها.. شد حزامك بقى ورجع نفسك لورى علشان الطياره هاتطير

تامر : بلاش يا سيدي , والله انت مش هاتبطل السرعه بتاعتك دى غير لما نخيش فى حد ونروح فى داهيه

رأفت : عيب عليك خليك شاب روش وكفاءه

وفى اقل من عشر دقائق وصلنا امام صيدلية الطرشوبي لنجد حتة بت انما ايه جامده جامده طحن

تامر : اهلا .. ازيك هايدي وحشانى موت

هايدى : انا تماما الحمد لله , اخبارك ايه انت ؟

تامر : بخير , اعرفك رأفت اللى حكيت لك عنه

هايدى : اهلا بيك رأفت

رأفت : اهلا بيكى انتى يا كونتيسه , انا بصراحه لو كنت اعرف انك اموره كده وجامده كمان كنت سميت نفسى تامر من زمان

هايدى : (ضحكه رقيقه طويله ) ..... مرسى خالص لزوقك , شكلك كده مجرم

رأفت : انا , دا انا غلبان خالص

وبدون اى مقدمات تنظر هايدى ورايا بذعر شديد تصاحبها صرخه انما ايه حسيت معاها ان فى ديناصور ورايا رجع من العصر القديم وتقريبا فاتح بقه وخلاص هاياكلنا , ولفيت بسرعه ورايا علشان الاقى اربع شباب , قال شباب قال قول اربع حاجات غير آدميين , اقل واحد فيهم ما اجيش يادوب دراع فى جسمه , ويطلع بقى يا افندينا ان ده اخو الست هايدي واللى معاه صحابه ,
والزبون كان رافع السماعه التانيه اللى فى اوضته فى البيت لما تامر كلمها وسمع كل حاجه وعرف هانقابلها امتى

وزى الماء لما يتخبر ابص جنبي لا الاقى هايدي ولا حتى تامر , اتارى الواد تامر كان عارف شكل اخوها وفى لحظه جهنميه كان فاتح باب التاكسي وناطت جواه هو ومعاه هايدي وفضلت لوحدى ..! وما خفى كان اعظم ..

كل الجيم اللى الفطاحل دول عملوه فى حياتهم طلعوه على جتتى , والنسوان اللى فى الشارع قعدوا يصوتوا ويقولو حد يحوش الواد من ايديهم دول هايموتوه وطبعا لاحياة لمن تنادى

ومره كده فى وسط ما انا عمال بأتروق لمحت الناس عملوا دايره حوالينا واقفين يتفرجوا تقولشى حلبة مصارعه حره مذاعه على الهوا مباشر ولا art بقى واشتراكات وكلام فاضى من ده ,

واللى غاظنى لقيت واد ابن (...) شكله كان واقف يلم من الناس فلوس تقريبا كان بيعمل مراهنات على الفيلم الهندى اللى بيحصل قدام الناس , والحمد لله اننا فى مصر بلد الشعب الجميل الطيب اللى بيقف جنب المزنوق فى شده , الناس كتر خيرهم شالونى هيله بيله على مستشفى الطوارىء والدكاتره قاموا بالواجب وزباده الشهاده لله فعلا ..

واتعلمت درس جميل جدا من اليوم العظيم ده فى حياتى وهو ان الصاحب اللى بجد عند الشده بيبقى رجوله وكفاءه

آآآه يا رجلى ... آآآآه ياودنى .... آآآه ياكوع ايدي ...آآآه ... آآآه
انتى فين يا ماما .. هاتى لى اى مسكن ... لا مسكن ايه .. اى منوم علشان انسى الوجع اللى معلم فى جسمى لسنين وسنين جايه لسه ...

والى لقاء آخر فى حلقه أخرى من علقة موت


.................
الرجوع الى أعلى الصفحة اذهب الى الأسفل
http://fromalongtime.spaces.live.com/
نونا الحاج
active member
active member
نونا الحاج


عدد المساهمات : 972
تاريخ التسجيل : 01/06/2009
العمر : 41
الموقع : مصر

مســـلســـل علقــة مـــــوت(الحلقه الثانيه) Empty
مُساهمةموضوع: رد: مســـلســـل علقــة مـــــوت(الحلقه الثانيه)   مســـلســـل علقــة مـــــوت(الحلقه الثانيه) I_icon_minitimeالأربعاء يوليو 01, 2009 1:57 pm

حلوووووووووووووة

اوي

جمييييله بجد جدا

يله نحن في انتظار الحلقه الثالثة

شكرا للمسلسل fromalongtime
الرجوع الى أعلى الصفحة اذهب الى الأسفل
fromalongtime
moderator
moderator
fromalongtime


عدد المساهمات : 1034
تاريخ التسجيل : 24/05/2009
العمر : 42
الموقع : الكويت

مســـلســـل علقــة مـــــوت(الحلقه الثانيه) Empty
مُساهمةموضوع: رد: مســـلســـل علقــة مـــــوت(الحلقه الثانيه)   مســـلســـل علقــة مـــــوت(الحلقه الثانيه) I_icon_minitimeالأربعاء يوليو 01, 2009 4:56 pm

انشاء الله الحلقه الثالثه قريب
وشكرا على المشاركه فى الموضوعات
الرجوع الى أعلى الصفحة اذهب الى الأسفل
http://fromalongtime.spaces.live.com/
Mayoy
moderator
moderator
Mayoy


عدد المساهمات : 761
تاريخ التسجيل : 25/05/2009

مســـلســـل علقــة مـــــوت(الحلقه الثانيه) Empty
مُساهمةموضوع: رد: مســـلســـل علقــة مـــــوت(الحلقه الثانيه)   مســـلســـل علقــة مـــــوت(الحلقه الثانيه) I_icon_minitimeالإثنين يوليو 20, 2009 12:17 pm

....................

ههههههههههههههههههههه

علقة مووووووت حلوه جدا

ماتتأخرش علينا فى الحلقة الثالثة نحن فى الانتظار

مشكووووووووور fromalongtime

........................
الرجوع الى أعلى الصفحة اذهب الى الأسفل
 
مســـلســـل علقــة مـــــوت(الحلقه الثانيه)
الرجوع الى أعلى الصفحة 
صفحة 1 من اصل 1
 مواضيع مماثلة
-
» مســـلســـل علقــة مـــــوت(الحلقه الأولى)

صلاحيات هذا المنتدى:لاتستطيع الرد على المواضيع في هذا المنتدى
 :: المنتديات العامه :: الادب والفنون-
انتقل الى: