لقاء مع شعبان الانسان

..................

"إيه موضوع الحراسة عليك ؟! "يا أستاذ الحارس ربنا حراسة إيه وتشديد حراسة إيه أنا لما كنت بغنى بكره إسرائيل مكنتش خايف وهفضل أغنيها وأنا مش خايف علشان أنا فعلاً بكره إسرائيل وعمايلها السودة فى الفلسطينين ولاد البلد المجدع وبعدين حتى لو عملوا فيا حاجة هو أنا أحسن من اللى بيقتلوهم كل يوم زائد أن مفيش أصلاً حراسة عليا علشان تزيد وكمان معنديش " بونى جاردن" زى باقى الفنانين أصحابى إنما أنا راجل من الشعب والشعب بيحبنى وربنا يحمينى .

.........................................................................................

"وليه افتكرت أن الاسرائلين عايزين يقتلوك؟!"علشان الأغانى اللى أنا غنتها عنيهم وعلشان أنا بينى وبين شارون بتاعهم تتش من زمان وعلشان غنيت لعمرو موسى وهما بيكرهوه وغنيت لمحمد الدرة وهما اللى قتلوه . وهغنى عن شارون وأعماله.

......................................................................................

"وإيه حكاية الإعلانات معاك!!"أنا مطرب شعبى وكانوا عايزين إعلان للطعمية وهى أكلة شعبية وعلشان كده فالموضوع شعبى فى شعبى غنيت للطعمية فى الإعلان وبعدين الفكرة كويسة والعيال بيتبسطوا لما يشفونى طالع فى الإعلانات وشيفينوه فى التليفزيون.

....................................................................................

"وإيه موضوع الشائعات معاك !!
"والله يا أستاذ أنا بيجى عليا أوقات بقول يا رتنى ما كنت مغنى ده جوزونى من وفاء عامر وخلوا أم العيال تغضب وروحت البلد والعمدة صالحنى عليها . وخلوا العيال بيشربوا بانجو ومخدرات وهما قدام عينى طول ما أنا فى البيت وكمان لما سبت ميت حلفا وكار المكوجية وبقيت أغنى بس وعشان خدت بيت جديد وعربية جديدة قالوا أنه نسى أصله وناسه وأنا يا أستاذ على طول بروح أزور أهل حتتى وأخواتى أنا ماأقدرش أعيش من غيرهم.

.

................................

سعات بحس انه انسان بسيط جدا وعادي
وكمان تلقائي وبيقول اللي جواه على طول
وبيغني للواقع
الانسان مش مظهره اللي بيبين شخصيته
كلامه وافعاله همه اللي بيبينه
اي نعم اغانيه غريبه وعجيبه
بس فيها معاني بحسها حلوة
شكرا على الموضوعfromalongtime

هز احياان فعلا الواحد بيحس بالكلام ده نونا
واحيانا باحس انه هو اللى بيضحك علينا كلنا واحنا اللى هبل فى نظره وانه هو اللى ناصب السيرك ده كله
لكن الموضوع ده شايف صعب تصديقه شويه
عموما فى مجمل الاحوال هو انشان من الشعب وبسيط
شكرا على الرد

.......................

أنا كمان بحتار فى الرجل ده أوقات بحس انه انسان بسيط ومش فاهم حاجه

بس معقوله فى حد فى الزمن ده بقى كدا

وبعدين ده دايما بيطلعوه فى البرامج علشان يتريقوا عليه

معقوله هو مش حاسس بكدا؟

عموما الله أعلم

شكر على الموضوع
................

شكرا على المتابع والرد mayoy

» أصعب 11 دقيقه فى حياة الانسان
» الأيس كريم يحسن مزاج الانسان